କର୍କଟ ରୋଗ ସମ୍ପର୍କିତ ସଚେତନତା ଶିବିର, କର୍କଟ ରୋଗର କାରଣ ଓ ନିରାକରଣ ଉପରେ ସଚେତନ କଲେ ବିଶେଷଜ୍ଞ

ବଲାଙ୍ଗିର ୧୫/୬(ଜେଏନ୍ଏସ୍) ସାଂପ୍ରତିକ ସମୟରେ କର୍କଟ ରୋଗ ଏକ ଉତ୍କଟ ବ୍ୟାଧି ରୂପେ ମଣିଷ ସମାଜକୁ ଭୟ ଗ୍ରସ୍ତ କରିଥିବା ବେଳେ ଅନେକ ମୂଲ୍ୟବାନ ଜୀବନ ଅକାଳରେ ଝଡ଼ିପଡୁଛି। ଏହାର କାରଣ ପରିବର୍ତ୍ତିତ ଜୀବନଶୈଳୀ, ପରିବେଶ, ପ୍ରଦୂଷିତ ଜଳ, ବାୟୁ, ମାଟି, ଖାଦ୍ୟପେୟ ଯୋଗୁଁ ଏପରି ସମସ୍ୟା ଦେଖାଯାଉଛି । ଏହାର କାରଣ ଓ ନିରାକରଣ ପାଇଁ କାର୍ସିନୋଭା କ୍ୟାନ୍ସର ହସପିଟାଲ, କଟକ ଓ ଓଡ଼ିଶା ୟୁନିୟନ୍ ଅଫ ଜର୍ନାଲିଷ୍ଟ (ଓ.ୟୁ.ଜେ.) ବଲାଙ୍ଗିର ଜିଲ୍ଲା ଶାଖାର ମିଳିତ ଉଦ୍ୟମରେ କର୍କଟରୋଗ ସଚେତନତା ଶିବିର ବଲାଙ୍ଗିର ଶାଖା ସଭାପତି ପ୍ରଦୀପ୍ତ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।

ଏଥିରେ ମୁଖ୍ୟଅତିଥି ରୂପେ ବଲାଙ୍ଗିର ପୌରାଧକ୍ଷା ଲିକା ସାହୁ, ମୁଖ୍ୟବକ୍ତା ରୂପେ ବରିଷ୍ଠ ସାମ୍ବାଦିକ ମନୋରଞ୍ଜନ ଯୋଶୀ ଯୋଗଦେଇ ଥିବାବେଳେ କାର୍ସୀନୋଭା କ୍ୟାନ୍ସର ହସପିଟାଲର ବରିଷ୍ଠ କର୍କଟ ରୋଗ ବିଶେଷଜ୍ଞ ଡାକ୍ତର ଖିତିଶ କୁମାର ମିଶ୍ର ଯୋଗଦେଇ ପ୍ରୋଜେକ୍ଟର ମାଧ୍ୟମରେ କର୍କଟ ରୋଗ ସମ୍ପର୍କରେ ସଚେତନତା ବାର୍ତ୍ତା ପ୍ରଦାନ କରିଥିଲେ । ଏହି ଅବସରରେ ଓ.ୟୁ.ଜେ. ବଲାଙ୍ଗିର ଶାଖାର ହରି ନାରାୟଣ ପୂଝାରୀ, ଶରତ ମିଶ୍ର, ସଦାଶିବ ସରାଫ, ବଂଶୀଧର ସେଠ, ପ୍ରଭାବିତ ସିଂ ସାଲୁଜା, ରିତୁରାଜ୍ ସିଂ, ତାପସ ବେହେରା, ଉମାକାନ୍ତ ପ୍ରଧାନ, ଅନ୍ତର୍ଯ୍ୟାମୀ ପଶାୟତ, ଦେବାଶିଷ ବହିଦାର, ସତ୍ୟପ୍ରିୟ ମିଶ୍ର, ଜ୍ୟୋତିରଂଜନ ପଣ୍ଡା, ସୁରଦାସ ବାଗ, ଆଶିଷ ଖଇତାନ, ରଞ୍ଜିତ ବେହେରା, ଗୁପ୍ତେଶ୍ୱର ପୁଷ୍ଟି, ଘଟେଶ୍ୱର୍ ମିଶ୍ର ସଙ୍ଗଠନ ସଦସ୍ୟ, ବରିଷ୍ଠ ନାଗରିକ, ବୁଦ୍ଧିଜୀବି ଏବଂ ଅନେକ ସାଂସ୍କୃତିକ ଓ ସାମାଜିକ ସଙ୍ଗଠନ ଯୋଗଦେଇଥିଲେ ଥିଲେ । କାର୍ଯ୍ୟକ୍ରମକୁ ସାଧାରଣ ସମ୍ପାଦକ ଅଭୟ ତ୍ରିପାଠୀ ପରିଚାଳନା କରିଥିବା ବେଳେ ବରିଷ୍ଠ ସଦସ୍ୟ ପୂର୍ଣ୍ଣଚନ୍ଦ୍ର ପଣ୍ଡା ଧନ୍ୟବାଦ ଅର୍ପଣ କରିଥିଲେ।