ମହିଳା ଡିଗ୍ରୀ କଲେଜର ଆତ୍ମସୁରକ୍ଷା ତାଲିମ ଶିବିର ଉଦଘାଟିତ

ଟିଟିଲାଗଡ଼,୦୪/୦୩/୨୦୨୫,(ଜେଏନ୍ଏସ୍) : ଟିଟିଲାଗଡ଼ ସରକାରୀ ମହିଳା ଡିଗ୍ରୀ ମହାବିଦ୍ୟାଳୟରେ ସୋମବାର  ଆତ୍ମସୁରକ୍ଷା ତାଲିମ ଶିବିର  ଉଦଘାଟିତ ହୋଇଯାଇଛି । ସପ୍ତାହ ବ୍ୟାପି ଆୟୋଜିତ ହେବାକୁ ଥିବା ଏହି ଶିବିରର ଉଦଘାଟନୀ ଉତ୍ସବରେ ଅଧ୍ୟକ୍ଷ ରମେଶ ଚନ୍ଦ୍ର ସାମୀନି ମୁଖ୍ୟଅତିଥି ଭାବରେ ଯୋଗଦେଇ ଛାତ୍ରୀଙ୍କୁ ଉତ୍ସାହିତ କରିଥିଲେ ।

ଅଧ୍ୟାପକ ଜଗଦୀଶ ଜାଲ ସଭା ପରିଚାଳନା କରିଥିବା ବେଳେ ମୁଖ୍ୟ ଅତିଥି ଶ୍ରୀ ସାମିନି ଏହି ତାଲିମର ଆବଶ୍ୟକତା ଓ ଉପଯୋଗିତା ସମ୍ଵନ୍ଧରେ ଛାତ୍ରୀଙ୍କୁ ଅବଗତ କରାଇଥିଲେ । ପ୍ରଶିକ୍ଷକ ସୁରେଶ ଜାଲଙ୍କ ନେତୃତ୍ୱରେ ପ୍ରଶିକ୍ଷିକା  ବିନୋଦିନୀ ଶିକା ଓ ତାଙ୍କ ସହଯୋଗୀ ଆଠ ଦିନ ପର୍ଯ୍ୟନ୍ତ ତାଲିମ ପ୍ରଦାନ କରିବେ । କାର୍ଯ୍ୟକ୍ରମରେ ଅଧ୍ୟାପକ କୁଲଦୀପ ଖାଖା, ତାପସ କୁମାର ନାୟକ ପ୍ରମୁଖଙ୍କ ସହ ବହୁ ଛାତ୍ରୀ ଉପସ୍ଥିତ ଥିଲେ ।