ଦୁର୍ଘଟଣାରେ ଆହତ ବ୍ୟକ୍ତି ଙ୍କ ମୃତ୍ୟୁ,ସଂପୃକ୍ତ ଅଭିଯୁକ୍ତ କୁ ଗିରଫ ଦାବୀ

0
82

ଟିଟିଲାଗଡ,୩୧/୮(ଜେଏନଏସ), ଟିଟିଲାଗଡ ଥାନା ଅନ୍ତର୍ଗତ ବିଜେପୁର ଗ୍ରାମ ନିବାସୀ ଦୁର୍ବାଦଳ ବଗର୍ତ୍ତି (୭୫) ଙ୍କ କଟକ ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ସୂଚନା ଅନୁଯାୟୀ ଗତ ୧୬ ତାରିଖ ଗୋପାଳପୁର ରାୟପୁର ୫୯ ନମ୍ବର ଜାତୀୟ ରାଜପଥ ବିଜେପୁର ଛକ ଠାରେ ସ୍ବର୍ଗତ ବଗର୍ତ୍ତି ରାସ୍ତା କଡ଼ରେ ଛିଡ଼ା ହୋଇଥିବା ବେଳେ ଦୃତଗତି ରେ ଆସି ଏକ ବାଇକ ତାଙ୍କୁ ଧକ୍କା ଦେଇଥିଲା।ସ୍ଥାନୀୟ ଲୋକେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ଟିଟିଲାଗଡ ଡାକ୍ତରଖାନା କୁ ଆଣିଥିଲେ।ପ୍ରାଥମିକ ଚିକିତ୍ସା ପରେ ତାଙ୍କୁ ଭବାନୀପାଟଣା ନିଆଯାଇଥିବା ବେଳେ ସ୍ଥିତି ଗୁରୁତର ହେବାରୁ କଟକ ର ଏକ ଘରୋଇ ହସ୍ପିଟାଲ କୁ ନିଆଯାଇଥିଲା।ତେବେ ସେଠାରେ ଦୀର୍ଘ ୧୫ ଦିନ ଧରି ଚିକିତ୍ସାଧୀନ ଅବସ୍ଥାରେ ମୃତ୍ୟୁସହ ସଂଗ୍ରାମ କରିବାପରେ ଶନିବାର ତାଙ୍କ ମୃତ୍ୟୁ ଘଟିଛି। ଅପରପକ୍ଷରେ ଦୁର୍ଘଟଣା ଘଟାଇଥିବା ବାଇକ ନଂ ଓ ଡି ୨୬ ଡି ୬୭୯୩ ବାଇକ ଚାଳକ ନାମରେ ମୃତକ ଙ୍କ ଭାଇ ବିଜୟ ବଗର୍ତ୍ତି ଟିଟିଲାଗଡ ଥାନାରେ ଲିଖିତ ଅଭିଯୋଗ କରିଥିଲେ।ଟିଟିଲାଗଡ ପୁଲିସ ଥାନା କେସ ନଂ ୨୮୧/୨୫ ଅନ୍ତର୍ଗତ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।ବର୍ତ୍ତମାନ ଦୂର୍ବାଦଳ ଙ୍କ ମୃତ୍ୟୁ ପରେ ସଂପୃକ୍ତ ଅଭିଯୁକ୍ତ କୁ ଗିରଫ କରିବାକୁ ପରିବାର ସଦସ୍ୟ ଦାବୀ କରିଛନ୍ତି।ସ୍ବର୍ଗତ ବଗର୍ତ୍ତି ଜଣେ ପରୋପକାରୀ ଓ ସହୃଦୟ ବ୍ୟକ୍ତି ଥିବାଯୋଗୁଁ ବିଜେପୁର ରେ ତାଙ୍କ ମୃତଦେହ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି।ତାଙ୍କ ଶବାଧାର ରେ ବହୁ ଲୋକ ସାମିଲ ହୋଇଥିବା ବେଳେ ଜ୍ୟେଷ୍ଠ ପୁତ୍ର ବିକ୍ରମ ବଗର୍ତ୍ତି ମୁଖଗ୍ନୀ ଦେଇଥିଲେ।ତାଙ୍କ ବିୟୋଗ ରେ ବିଭିନ୍ନ ମହଲରୁ ଗଭୀର ଶୋକ ପ୍ରକାଶ ପାଇଛି।

LEAVE A REPLY

Please enter your comment!
Please enter your name here