ଟିଟିଲାଗଡ଼,୨୯/୮(ଜେଏନଏସ),ଟିଟିଲାଗଡ଼ ଥାନା ଅନ୍ତର୍ଗତ ଜଗୁଆ-ମୀନାପାଲି ଗ୍ରାମ ରାସ୍ତା ମଧ୍ୟରେ ଏକ ସଡ଼କ ଦୁର୍ଘଟଣାରେ ଆର୍.ପି.ଏଫ୍ ଡ୍ରାଇଭର ଭକ୍ତରାମ କର(୫୦)ଙ୍କ ମୃତ୍ୟୁ ଘଟିଛି। ସୂଚନା ଅନୁଯାୟୀ ଟିଟିଲାଗଡ଼ ଆର୍.ପି.ଏଫ୍ ରେ ଚୁକ୍ତିଭିତ୍ତିକ ଡ୍ରାଇଭର ଭାବରେ କାର୍ଯ୍ୟରତ ସ୍ୱର୍ଗତ କର ଗତକାଲି ତାଙ୍କ ପୈତୃକ ଘର କଳାହାଣ୍ଡି ଜିଲ୍ଲା କଟାଗାଁ ରୁ ଏକ ବାଇକ ଯୋଗେ ଦିନ ୩ ଘଣ୍ଟା ବେଳେ ଟିଟିଲାଗଡ଼ ଅଭିମୁଖେ ଆସୁଥିବା ବେଳେ ମୀନାପାଲି ରାସ୍ତା ଠାରେ ଦୁର୍ଘଟଣାର ଶିକାର ହୋଇଥିଲେ । ତେବେ ଦୁର୍ଘଟଣାର ପ୍ରକୃତ କାରଣ ଜଣା ପଡି ନ ଥିବାବେଳେ ଘଟଣା ସ୍ଥଳର ପାରିପାର୍ଶ୍ବିକ ସ୍ଥିତିକୁ ନେଇ ସନ୍ଦେହ ସୃଷ୍ଟି ହୋଇଛି। ଟିଟିଲାଗଡ଼ ପୁଲିସ ଶବ ଜବତ ସହ ବ୍ୟବଚ୍ଛେଦ ପାଇଁ ପଠାଇ ଥିବା ବେଳେ ତଦନ୍ତ ଜାରି ରଖିଥିବା ନେଇ ସୂଚନା ଦେଇଛି। ସ୍ୱର୍ଗତ କର ଜଣେ ମେଳାପୀ ଓ ପରୋପକାରୀ ବ୍ୟକ୍ତି ଥିବା ଯୋଗୁଁ ତାଙ୍କ ବିୟୋଗରେ ବିଭାଗୀୟ ଅଧିକାରୀଙ୍କ ସହ ବିଭିନ୍ନ ମହଲରେ ଗଭୀର ଶୋକ ପ୍ରକାଶ ପାଇଛି ।
