ଟିଟିଲାଗଡ଼ ମାଉସୀ ମା ଦୁର୍ଗାପୂଜା କମିଟିର ପ୍ରସ୍ତୁତି ବୈଠକ

ଟିଟିଲାଗଡ଼,୧୩/୦୯,(ଜେଏନଏସ), ଟିଟିଲାଗଡ଼ ମାଉସୀ ମା ଦୁର୍ଗାପୂଜା କମିଟି ପକ୍ଷରୁ ଗୁରୁବାର ଅପରାହ୍ଣରେ ଆସନ୍ତା  ଦୁର୍ଗାପୂଜା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଚଳିତ ଥର କମିଟି ୮୮ ତମ ଦୁର୍ଗାପୂଜା ପାଳିତ କରିବାକୁ ଯାଉଥିବା ବେଳେ ଏହାକୁ ଉତ୍କୃଷ୍ଟ ଓ ସୁଚାରୁରୂପେ କରାଯିବାକୁ ବୈଠକରେ ଆଲୋଚନା ହୋଇଥିଲା ।ସେହିପରି ଚଳିତ ବର୍ଷ ପାଇଁ ପୂଜା କମିଟିର ନୂତନ କର୍ମକର୍ତ୍ତା ଚୟନ କରାଯାଇଥିଲା । ଚଳିତବର୍ଷ ପାଇଁ ସୁଧୀର ଅଗ୍ରୱାଲ ସଭାପତି, ଦୀପକ ସମଜଦାର ଉପ ସଭାପତି, ଆକାଶ ଗୋୟଲ୍ ସମ୍ପାଦକ, ଜିତେନ୍ଦ୍ର ଜୈନ ସହ ସମ୍ପାଦକ ଏବଂ ଶେଷଦେବ ସାହୁଙ୍କୁ କୋଷାଧ୍ୟକ୍ଷ ଭାବରେ ମନୋନୀତ କରାଯାଇଛି । ଆୟୋଜିତ ବୈଠକରେ ଅନ୍ୟମାନଙ୍କ ମଧ୍ୟରେ ମହେଶ ଇନ୍ଦୋରିଆ, ଶ୍ୟାମ ପ୍ରସାଦ ଗରିଆ, ଧବଳେଶ୍ୱର ଦଳ ବେହେରା, ପ୍ରେମ ଜୈନ, ଜଗଦୀଶ ଜୈନ, ଚିନ୍ତାମଣି ମହାପାତ୍ର, ସଞ୍ଜୟ ବେହେରା, ଗୁଲାପ ସୋନି, ରାଜେନ୍ଦ୍ର ନାରାୟଣ ମିଶ୍ର, ଗୋବର୍ଦ୍ଧନ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ।