ଟିଟିଲାଗଡ ରେ ପଶ୍ଚିମ ଓଡ଼ିଶା ଗୁଜରାଟୀ ସମାଜ ର ବନ୍ଧୁ ମିଳନ

ଟିଟିଲାଗଡ,୨୯/୬(ଜେଏନ୍ଏସ), ସ୍ଥାନୀୟ ମହାବୀର ପଞ୍ଚାୟତ ଧର୍ମଶାଳା ପରିସରରେ ପଶ୍ଚିମ ଓଡ଼ିଶା ଗୁଜରାଟୀ ସମାଜ ର ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ବରିଷ୍ଠ ସଦସ୍ୟ ହରିଶ ରାୟଠାତା ଙ୍କ ସଂଯୋଜନା ରେ ଆୟୋଜିତ କାର୍ଯ୍ୟକ୍ରମରେ ନୂଆପଡ଼ା ବିଧାୟକ ଜୟ ଢୋଲକିଆ ମୁଖ୍ୟ ଅତିଥି,ଟିଟିଲାଗଡ ବିଧାୟକ ନବୀନ ଜୈନ ଓ ଅଖିଳ ଗୁଜରାଟୀ ସମାଜ କଟକ ର ସଭାପତି ରୂପେଶ ଭାଇ ଦୋଶୀ ସମ୍ମାନିତ ଅତିଥି ଭାବରେ ଯୋଗଦେଇ ସାମାଜିକ ଏକତା ଓ ସଂସ୍କୃତି ସୁରକ୍ଷା ଉପରେ ମତବ୍ୟକ୍ତ କରିଥିଲେ।ବଲାଙ୍ଗୀର ଗୁଜରାଟୀ ସମାଜ ସଭାପତି ମିତେଶ ଭମର ସଭା ପରିଚାଳନା କରିଥିଲେ।ଗୁଜରାଟୀ ସମାଜ ମଧ୍ୟରେ ଏକତା ବଜାୟ ରଖିବା ସହ ସ୍ଥାନୀୟ ଅଞ୍ଚଳରେ ସ ସ୍ୱାସ୍ଥ୍ୟ ଓ ଶିକ୍ଷା ବ୍ୟବସ୍ଥା କୁ ପ୍ରାଥମିକତା ଦେଇ ସହାୟକ ହେବାକୁ ଅତିଥି ବୃନ୍ଦ ମତ ବ୍ୟକ୍ତ କରିଥିଲେ।ଏହି ଅବସରରେ ସି ଏ ପରୀକ୍ଷାରେ ଉତ୍ତୀର୍ଣ୍ଣ ଧୀରଜ କୋଟାକ ଓ ସମାଜର ବରିଷ୍ଠ ସଦସ୍ୟ ଙ୍କୁ ସମ୍ବର୍ଦ୍ଧିତ କରାଯାଇଥିଲା।କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଡ଼ ହସମୁଖଲାଲ,ପ୍ରକାଶ କୁମାର ସୁମେୟା,ବର୍ଷା ବେନ୍ ଭମର,ରୀନା ରାୟଠାତା,ଜନ୍ମଜୟ ଭମର, ଅଶ୍ୱିନ ଠକ୍କର, ଭରତ ପିଟ୍ରୋଡା ପ୍ରମୁଖ ଙ୍କ ସହ ବହୁ ଗୁଜରାଟୀ ପରିବାର ଉପସ୍ଥିତ ଥିଲେ।